தமிழ் சினிமாவில் முன்னணி ஹீரோ அந்தஸ்த்தை பெற்றுள்ள சிவகார்த்திகேயன் நடிப்பில் கடைசியாக அயலான் படம் வெளிவந்த நிலையில், அடுத்ததாக அமரன் வெளிவரவுள்ளது. உண்மை சம்பவங்களை மையமாக கொண்டு உருவாகியுள்ள இப்படம் இயக்குனர் ராஜ்குமார் பெரியசாமி இயக்கியுள்ளார். மேலும் உலகநாயகன் கமல் ஹாசன் தனது ராஜ்கமல் நிறுவனத்தின் மூலம் தயாரித்துள்ளார்.
இந்த படத்துக்கு அதீதமான எதிர்பார்ப்பு உள்ளது. இந்த நிலையில், அமரன் படத்தின் ப்ரீ புக்கிங் குறித்து தகவல் வெளியாகியுள்ளது. அதன்படி, இப்படத்தின் ப்ரீ புக்கிங்கில் இதுவரை அமரன் ரூ. 1.5 கோடி வரை வசூல் செய்துள்ளது. இது சிவகார்த்திகேயன் படத்திற்கு கிடைத்துள்ள மாபெரும் ஓப்பனிங் ஆக பார்க்கப்படுகிறது. ஏன் என்றால் ப்ரீ புக்கிங்கில் 1 கோடி ரூபாய்க்கு மேல் முதல் முறையாக சிவகார்த்திகேயன் படம் வசூல் செய்கிறது.
இந்த நிலையில், படத்தில் சாய் பல்லவி ஹீரோயினாக நடித்துள்ளார். அது மக்களிடையே நல்ல எதிர்பார்ப்பை ஏற்படுத்தியுள்ளது. ரெபேக்கா வர்கீசாக நடித்திருக்கும் சாய் பல்லவி மக்களின் அன்பை தற்போது பெற்று வருகிறார்.
கம்மியாக சம்பளம் வாங்கிய சாய் பல்லவி
ட்ரைலரில் சாய் பல்லவியின் நடிப்பை பார்த்து சாய் பல்லவிக்கு இன்னும் பல ரசிகர்கள் இணைந்துள்ளார். இந்த நிலையில், சாய் பல்லவி அமரன் படத்தில் நடிப்பதற்காக வாங்கிய சம்பளம் பற்றிய தகவல் ஒன்று வெளியாகியுள்ளது.
வெளியான தகவலின் படி, “அமரன்” படத்தில் நடிக்க நடிகை சாய் பல்லவி ரூ. 3 கோடி சம்பளம் வாங்கியுள்ளார் என்று சொல்லப்படுகிறது. இதுகுறித்த அதிகாரபூர்வ தகவல் எதுவும் தற்போது வரை வெளியாகவில்லை.
இது பல முன்னணி நடிகைகளின் சம்பளத்தை விட மிகவும் கம்மி என்றே கூறப்படுகிறது. அதுவும் சிறப்பான நடிப்பை வெளிப்படுத்தும், சிறந்த நடிகையாக வளம் வரும் இவருக்கு சம்பளம் கிள்ளி கொடுக்கப்பட்டுள்ளது என்றும் வேதனை தெரிவித்து வருகிறார்கள் ரசிகர்கள்.