Cinemapettai
தமிழ் சினிமா மற்றும் செய்திகளின் தினசரி அப்டேட்ஸ்

TIME100 Next India பட்டியலில் தமிழர்கள் ஆதிக்கம்! நயன்தாரா முதல் அனிருத் வரை

TIME100 Next India பட்டியலில் தமிழர்கள் ஆதிக்கம்! நயன்தாரா முதல் அனிருத் வரை

உலகப் புகழ்பெற்ற ‘டைம்’(TIME) இதழ்,இந்தியாவின் வளர்ந்து வரும் 100 ஆளுமைகளை அங்கீகரிக்கும் வகையில் தனது முதல் பிராந்தியப் பதிப்பான TIME100 Next India பட்டியலை வெளியிட்டுள்ளது.பல்வேறு துறைகளில் சாதனை படைத்து வரும் இளம் தலைமுறையினரையும், தனித்துவமான அடையாளத்தை உருவாக்கியவர்களையும் இந்தப் பட்டியல் கௌரவிக்கிறது.இதில் தமிழ்நாட்டைச் சேர்ந்த பலரும் இடம்பிடித்து பெருமை சேர்த்துள்ளனர்.


1923-ஆம் ஆண்டு மார்ச் 3-ஆம் தேதி அமெரிக்காவின் நியூயார்க் நகரில் தொடங்கப்பட்ட டைம் இதழ்,தற்போது 103 ஆண்டுகளைக் கடந்துள்ளது. உலக அரசியல்,பொருளாதாரம்,அறிவியல்,தொழில்நுட்பம்,கலை,சினிமா,விளையாட்டு உள்ளிட்ட பல்வேறு துறைகளில் முக்கிய நிகழ்வுகளைத் தொடர்ந்து பதிவு செய்து வருகிறது. இந்த இதழின் அட்டைப்படத்தில் இடம்பெறுவது சர்வதேச அளவில் மிகப்பெரிய அங்கீகாரமாகக் கருதப்படுகிறது.1930-ஆம் ஆண்டு மகாத்மா காந்தி இதழின் Person of the Year ஆகத் தேர்ந்தெடுக்கப்பட்டதும் குறிப்பிடத்தக்கது.


அந்த வகையில், TIME100 Next India பட்டியலில் சினிமாத் துறையைச் சேர்ந்த நயன்தாரா,சமந்தா,சாய் பல்லவி,இயக்குநர் பா.ரஞ்சித், இசையமைப்பாளர் அனிருத் ஆகியோர் இடம்பெற்றுள்ளனர்.மேலும்,தனது தனித்துவமான இசையின் மூலம் சமூகத்தின் குரலை வெளிப்படுத்தி வரும் பாடகர் அறிவுவும் இந்த அங்கீகாரத்தைப் பெற்றுள்ளார்.விளையாட்டுத் துறையில் தடகள வீராங்கனை வித்யா ராம்ராஜுக்கும் இடம் கிடைத்துள்ளது.


குறிப்பாக,பா.ரஞ்சித் மற்றும் அறிவு போன்றவர்கள் தங்களது படைப்புகள் மூலம் சமூக நீதி மற்றும் ஒடுக்கப்பட்ட மக்களின் குரலை உலக அரங்கிற்குக் கொண்டு சென்றுள்ளனர்.வெறும் புகழை மட்டுமல்லாமல்,தங்கள் துறையில் மாற்றத்தை ஏற்படுத்தும் திறமையையும் சமூகத் தாக்கத்தையும் அடிப்படையாகக் கொண்டு இந்த ஆளுமைகள் அங்கீகரிக்கப்பட்டுள்ளனர்.சினிமா,இசை,விளையாட்டு எனப் பல துறைகளில் தமிழர்கள் பெற்றுள்ள இந்தச் சர்வதேச அங்கீகாரம் தமிழகத்திற்குப் பெருமை சேர்த்துள்ளது.

S

Suriya

அருண் – சினிமா மீடியா துறையில் 10 வருட அனுபவம் கொண்ட Content Writer. தமிழ் சினிமா, இந்திய சினிமா, OTT வெளியீடுகள், பாடல்கள், ரசிகர் நிகழ்வுகள் உள்ளிட்ட பல்வேறு தலைப்புகளை எழுதி வருகிறார். வாசகர்களுக்கு சுவாரஸ்யமாகவும் நம்பகமாகவும் தகவல்களை வழங்குவது இவரின் சிறப்பு.