கோலிவுட்டில் சிறப்பான பின்னணி இசை மற்றும் பாடல்கள் மூலம் ரசிகர்களின் கவனத்தை ஈர்த்தவர் இசையமைப்பாளர் சாம் சி.எஸ்.தமிழ் மட்டுமின்றி தெலுங்கு,மலையாளம் உள்ளிட்ட பல்வேறு மொழிப் படங்களிலும் பணியாற்றி வரும் இவர், தனது தனித்துவமான இசையின் மூலம் திரையுலகில் தனக்கென ஓர் இடத்தைப் பிடித்துள்ளார்.
குறிப்பாக, விக்ரம் வேதா’,‘கைதி’, ‘புரியாத புதிர்’,‘ராக்கெட்ரி: தி நம்பி எஃபெக்ட்’போன்ற படங்களில் இவரது இசை ரசிகர்களிடம் நல்ல வரவேற்பைப் பெற்றது.சமீபத்தில் வெளியான ‘ஆர்.டி.எக்ஸ்’,‘டிமான்ட்டி காலனி 2’மற்றும் ‘புஷ்பா 2’உள்ளிட்ட படங்களிலும் தனது இசைப் பங்களிப்பை வழங்கியுள்ளார்.
இந்நிலையில்,இன்றைய தலைமுறை இளைஞர்களின் இசை ரசனை குறித்துச் சாம் சி.எஸ் பேசியுள்ள கருத்துகள் கவனம் பெற்றுள்ளன.
இன்றைய இளைஞர்கள் அதிக சத்தம் நிறைந்த இசையைக் கேட்பதற்குப் பழகிவிட்டதாக அவர் தெரிவித்துள்ளார்.தனிப்பட்ட முறையில் தனக்கு விருப்பமான இசைப் பாணி வேறாக இருந்தாலும்,ரசிகர்களின் ரசனைக்கு ஏற்பத் தன்னை மாற்றிக்கொண்டு இசையமைத்து வருவதாகவும் நேர்காணல் ஒன்றில் அவர் குறிப்பிட்டுள்ளார்.
இதற்கிடையில்,கீர்த்தி சுரேஷ் மற்றும் மிஷ்கின் நடிப்பில் உருவாகியுள்ள ‘சத்தியவான் சாவித்திரி’ படம் நவம்பர் 20ஆம் தேதி தியேட்டர்களில் வெளியாகியுள்ளது.பிரவீன் எஸ்.விஜய் இயக்கியுள்ள இப்படத்திற்கு சாம் சி.எஸ் இசையமைத்துள்ளார் என்பது குறிப்பிடத்தக்கது.




