தமிழ் சினிமாவில் அனைவருக்கும் பிடித்த நடிகர் என்றால் நடிகர் அஜித்தை கூறலாம். எளிமையான தோற்றம் மற்றும் ஸ்டைலான நடை மூலம் ஏராளமான ரசிகர்களை தன் வசம் வைத்துள்ளார். அஜித் ரசிகர்கள் மட்டுமின்றி மற்ற நடிகர்களின் ரசிகர்களுக்கும் அஜித்தை பிடிக்க இதுவும் ஒரு காரணம்.
அஜித் படங்களுக்கு எப்போதுமே ரசிகர்கள் மத்தியில் எதிர்பார்ப்பு இருந்து கொண்டே இருக்கும். அந்த வகையில் தற்போது அஜித் நடிப்பில் உருவாகிவரும் வலிமை படம் மிகப்பெரிய எதிர்பார்ப்பை உருவாக்கியுள்ளது. வினோத் இயக்கிவரும் இப்படத்தின் படப்பிடிப்பு ரஷ்யாவில் நடத்தப்பட உள்ளதாக செய்திகள் வெளியாகியுள்ளது.
இப்படத்தை ரசிகர்கள் பெரிய அளவில் எதிர்பார்த்து காத்துக் கொண்டிருக்கும் நிலையில் ரசிகர்களுக்கு இன்ப அதிர்ச்சி அளிக்கும் விதமாக படத்தின் தயாரிப்பாளர் போனி கபூர், வலிமை படத்தின் முதல் சிங்கிலை வெளியிட்டுள்ளார். இசையமைப்பாளர் யுவன் இசையில், விக்னேஷ் சிவன் எழுதியுள்ள
நாங்க வேற மாறி என்ற பாடல் ரசிகர்களிடையே நல்ல வரவேற்பை பெற்றுள்ளது.
ஏற்கனவே வலிமைப்படுத்தும் ஃபர்ஸ்ட் சிங்கிள் வெளியான மகிழ்ச்சியில் உள்ள ரசிகர்களுக்கு மேலும் மகிழ்ச்சி அளிக்கும் விதமாக ஒரு சம்பவம் நிகழ்ந்துள்ளது. அதாவது, நடிகர் அஜித்குமார், அமராவதி என்ற படம் மூலமாக தமிழ் சினிமாவில் அறிமுகமாகி 29 ஆண்டுகள் ஆகிறது.
எனவே இதை கொண்டாடும் விதமாக அவரது ரசிகர்கள் #29YearsOfAjithKumar என்ற ஹேஸ்டேக்கை பதிவிட்டு வைரலாக்கி வருகின்றனர். அஜித்குமார் காதல் மன்னன், காதல் கோட்டை, விஸ்வாசம் உள்ளிட்ட 50க்கும் மேற்பட்ட படங்களில் நடித்துள்ளது குறிப்பிடத்தக்கது.