தமிழ் சினிமாவில் ஸ்லிம் சிவாஜி என்ற பெருமையுடன் வலம் வருபவர் தான் நடிகர் தனுஷ். இவரின் இயல்பான நடிப்பினால் தமிழில் மட்டுமல்லாமல் ஹாலிவுட், பாலிவுட்களிலும் பட வாய்ப்புகளை தொடர்ந்து பெற்று வருகிறார். ‘The Gray man’ , ‘The Extraordinary Journey of the Fakir’ போன்ற இரண்டு ஹாலிவுட் படங்களில் இதுவரை தனுஷ் நடித்துள்ளார்.
இந்நிலையில் நடிகர் தனுஷை பாலிவுட்டின் கேலி செய்யும் சம்பவம் தொடர்ந்து நிகழ்கிறது. ஏனென்றால் சமீபத்தில் பாலிவுட் நடிகை கஜோல் மற்றும் தனுஷ் பங்குபெற்ற நிகழ்ச்சி ஒன்றில், தனுஷ் ஆங்கிலத்தில் பேசியதை கேட்ட கஜோல் நக்கலாக சிரித்தார்.
அப்போது தனுஷ் தனக்கு ஆங்கிலப் புலமை கொஞ்சம் குறைவு என்று ஒத்துக் கொண்டார். தனுஷ் நடித்த வேலையில்லா பட்டதாரி2 படத்தில், கஜோல் வில்லியாக நடித்திருப்பது குறிப்பிடத்தக்கது.
மேலும் பாலிவுட் சீரிஸ் ‘The Little Things’ என்பதில் தனுஷை கிண்டலடித்து காட்சிப்படுத்தப்பட்டிருக்கும். அப்படி என்ன இந்த வீடியோவில் தனுஷின் பற்றி பேசினார்கள் என்றால்,’ நீ உன்னுடைய முகத்தை பார்த்திருக்கிறாயா?, அப்படியே தனுஷ் போல இருக்கிறாய்.
என்ன ஒரு வித்தியாசம், அவர் சூப்பர் மாடலாக இருந்தால் எப்படி இருப்பாரோ, அப்படியே நீ இருக்கிறாய்’ என்று தனுஷ் பெயரை வைத்து கேலி செய்திருப்பார்கள்.
தென்னக புரூஸிலியாக விளங்கும் தனுஷை பாலிவுட்டில் கேலி செய்வதை பொறுத்துக் கொள்ளாத அவருடைய ரசிகர்கள் சமூக வலைதளங்களில் திட்டித் தீர்த்து வருகின்றனர். பொதுவாக பாலிவுட்டில் வளர்ந்த நடிகர்கள், இளம் நடிகர்களை பொதுமேடையில் அசிங்கப்படுத்தி குளிர்காய்வதை வழக்கமாக வைத்துள்ளனர்.