விஜய் நடிப்பில் நெல்சன் திலீப்குமார் இயக்கத்தில் உருவாகியுள்ள பீஸ்ட் திரைப்படம் தற்போது திரையரங்குகளில் வெளியாக உள்ளது. சமீபத்தில் பீஸ்ட் படத்தின் டிரைலர் வெளியாகி ரசிகர்களிடையே பெரிய அளவில் வரவேற்பை பெற்றது. மேலும் விஜய் ரசிகர்கள் தாண்டி பல பிரபலங்கள் பீஸ்ட் படத்தை திரையில் காண காத்திருக்கின்றனர்.
இப்படத்திற்கு பிறகு விஜய் நடிப்பில் வம்சி இயக்கத்தில் தளபதி 66 படம் உருவாக உள்ளது. இப்படம் தமிழ் மற்றும் தெலுங்கு இரண்டு மொழிகளில் எடுக்க இருப்பதாக தகவல்கள் வெளியாகின முதல் முறையாக விஜய்யுடன் வம்சி கூட்டணி அமைத்துள்ளதால் இப்படத்தின் மீதான எதிர்பார்ப்பு அதிகரித்துள்ளது.
மேலும் இப்படத்தை மிக பிரம்மாண்டமாக தில் ராஜூ தயாரிக்க உள்ளார். விஜய்க்கு ஜோடியாக ராஷ்மிகா மந்தனா நடிக்க உள்ளார். இதனை ராஷ்மிகா மந்தனா அவரது சமூக வலைதளப் பக்கத்தில் பதிவிட்டு இருந்தார். நீண்ட நாள் கனவு நிறைவேற இருப்பதாகவும் நான் விஜய்யின் தீவிர ரசிகை தற்போது அவருடன் நடிக்க இருப்பது நினைத்து மகிழ்ச்சியாக இருப்பதாகவும் கூறியிருந்தார்.
இப்படத்தில் சரத்குமார் நடிக்க உள்ளார். படத்தின் பூஜையில் சரத்குமார் கலந்து கொண்ட புகைப்படம் கூட வெளியாகின. இப்படத்தில் ஒரு முக்கியமான கதாபாத்திரத்தில் நடிப்பதாக தகவல் கிடைத்துள்ளது. அதாவது காட்டில் நடக்கும் சம்பவங்களை வைத்து இப்படத்தின் கதைக்களம் அமைந்துள்ளது. இதில் சரத்குமார் வனத்துறை அதிகாரியாக நடிக்கவுள்ளார்.
இத்தனை வருட சினிமா வாழ்க்கையில் தளபதி மற்றும் சரத்குமார் இணைந்து படங்கலே நடிக்கவில்லை என்பது ஆச்சரியம்தான். ஆனாலும் நாட்டாமை படத்தில் தளபதிக்கு தம்பியாக நடிக்கும் வாய்ப்பு கிடைத்தும் அந்த வாய்ப்பை தவறவிட்டு விட்டார் விஜய்.
தற்போது தளபதி 66 படத்தின் புகைப்படங்கள் வெளியாகி உள்ளதால் விஜய் ரசிகர்கள் மகிழ்ச்சியில் உள்ளனர். மேலும் சென்னை படப்பிடிப்பு நடத்த திட்டமிட்டு இருப்பதாகவும் தகவல் வெளியாகியுள்ளது. தற்போது பல பிரபலங்களும் இப்படத்திற்கு வாழ்த்துக்களை கூறி வருகின்றனர்.