கடந்த சில ஆண்டுகளாக நயன்தாரா நடிப்பில் வெளியான எந்தப் படமும் பாக்ஸ் ஆபிஸில் பெரிய ஹிட் அடிக்கவில்லை.
லேடி சூப்பர் ஸ்டார் பட்டத்துடன் வலம் வரும் அவருடைய மூக்குத்தி அம்மன் 2 படமும் தற்போது வசூலில் சரிவைச் சந்தித்துள்ளது.
தீபாவளிக்கு வெளியான மூக்குத்தி அம்மன் 2, சுமார் ரூ.100 கோடி பட்ஜெட்டில் பிரம்மாண்டமான கிராபிக்ஸ் காட்சிகளுடன் உருவாக்கப்பட்டது. இருப்பினும், உலகளவில் ரூ.21 கோடி மட்டுமே வசூல் செய்துள்ளதாகக் கூறப்படுகிறது.
மேலும், மிகப்பெரிய அளவிலான பூஜை, பிரம்மாண்டமான கட் அவுட் எனப் படத்தின் புரமோஷன் பணிகளும் தொடக்கம் முதலே பிரம்மாண்டமாக நடைபெற்றன. பல யூடியூப் சேனல்களும் இப்படத்தைப் புரமோட் செய்தன.
படத்தின் தயாரிப்பாளர்களில் ஒருவரான குஷ்பு, இயக்குநர் சுந்தர் சி மற்றும் படத்தின் வில்லியாக நடித்த ரெஜினா கசாண்ட்ரா ஆகியோர் தொடர்ந்து புரமோஷன் பணிகளில் ஈடுபட்டு வந்தனர். ஆனால், நயன்தாரா இப்படத்திற்கான எந்தவொரு புரமோஷன் நிகழ்ச்சியிலும் பங்கேற்காதது படக்குழுவினர் மத்தியில் சலசலப்பை ஏற்படுத்தியதாகச் செய்திகள் வெளியாகி வருகின்றன.
தொடக்கத்தில் 2,000-க்கும் அதிகமான திரையரங்குகளில் வெளியான மூக்குத்தி அம்மன் 2, ‘ராமாயணா’ மற்றும் ‘சீன்’ ஆகிய படங்களுடன் போட்டியில் தாக்குப்பிடிக்க முடியாமல், திரையரங்குகளின் எண்ணிக்கை சுமார் 700 ஆகக் குறைக்கப்பட்டது.
திரையரங்குகளில் வரவேற்பு குறைந்த இப்படத்தின் ஓடிடி உரிமையை ஜியோ ஹாட்ஸ்டார் நிறுவனம் பெற்றுள்ளது. இதனால், நான்கு வாரங்களுக்குள்ளாகவே இப்படம் ஓடிடியில் ஸ்ட்ரீமிங் ஆகும் என எதிர்பார்க்கப்படுகிறது.
