Rajinikanth: லைக்கா நிறுவனம் வந்த வேகத்திலேயே பெரிய பட்ஜெட் படங்களை தயாரித்தது. ஆனால் இந்தியன் 2, விடாமுயற்சி என அடுத்தடுத்த படங்களின் தோல்வி நிறுவனத்தை துவள செய்துவிட்டது.
தற்போது லைக்கா விஜய் மகன் ஜேசன் சஞ்சய் இயக்கும் படத்தை தயாரித்து வருகிறது. ஆனால் இந்த படத்தின் பட்ஜெட் பெரிய அளவில் கிடையாது.
இருப்பினும் இனி எந்த பெரிய நடிகர்களையும் வைத்து படம் எடுக்க கூடாது என்ற முடிவுக்கு அவர்கள் வந்து விட்டார்கள். அந்த அளவுக்கு லைக்கா நஷ்டத்தை சந்தித்துள்ளது.
இதை கேள்விப்பட்ட சூப்பர் ஸ்டார் அவர்களுக்காக ஒரு படம் பண்ண போவதாக கூட செய்திகள் கசிந்தது. பொதுவாக ரஜினி எல்லோருக்கும் இதை செய்வது கிடையாது.
சூப்பர் ஸ்டார் தேடிவந்து உதவ என்ன காரணம்.?
நெருக்கமான அவர் மனதில் இடம் பிடித்த தயாரிப்பாளர்களுக்கு தான் இப்படி செய்வார். அப்படி என்றால் சுபாஸ்கரன் அவருக்கு அவ்வளவு முக்கியமா என்று தோன்றலாம்.
உண்மையில் அவர் தயாரிப்பில் ரஜினி ஓரிரு படங்களில் தான் நடித்திருக்கிறார். ஆனால் அவருடைய பணிவும் மரியாதையும் நிச்சயம் சூப்பர் ஸ்டாருக்கு பிடித்திருக்கலாம்.
அதனாலேயே அவரை கை தூக்கி விட நினைத்திருக்கிறார். ஆக மொத்தம் அவர்கள் இணைவது உறுதி என்ற பேச்சு இப்போது அடிபடுகிறது.
ஆனால் சில காலதாமதம் ஆகலாம். ரஜினியின் அடுத்தடுத்த பட கமிட்மென்ட் ஒரு காரணம். மேலும் படம் ஆரம்பிக்கும் பட்சத்தில் சூப்பர் ஸ்டார் சம்பள விஷயத்தில் இறங்கி வரவும் வாய்ப்புகள் அதிகம் இருக்கிறது.