தமிழ் சினிமாவில் வாழ்க்கை வரலாற்றை மையமாகக் கொண்டு உருவான பயோபிக் படங்கள் பல உள்ளன. உண்மைக் கதைகளை அதே உணர்வுடன் பெரிய திரையில் பதிவு செய்த இந்த படங்கள் ரசிகர்களின் மனதில் நீங்கா இடம் பிடித்துள்ளன. அவற்றில் சில.
பாரதி (2000): கவிஞர் சுப்பிரமணிய பாரதியின் வாழ்க்கையை மையமாகக் கொண்டு ஞான ராஜசேகரன் இயக்கிய படம். முதலில் கமல்ஹாசன் நடிக்க திட்டமிட்டாலும், பட்ஜெட் காரணமாக ஷாயாஜி ஷிண்டே தேர்ந்தெடுக்கப்பட்டார். பாரதியின் புலமை, பாராட்டுகள், பாடல்கள் மற்றும் போராட்டங்கள் மிக அழகாக திரையில் life செய்தது.
காமராஜ் (2004): பாலகிருஷ்ணன் இயக்கத்தில் வெளிவந்த இப்படம், முன்னாள் முதல்வர் காமராஜரின் வாழ்க்கையை மையமாகக் கொண்டது. இந்தியன் ஏர்லைன்ஸில் பணியாற்றிய ரிச்சர்ட் மதுராம் முக்கிய வேடத்தில் நடித்தார். காமராஜரின் எளிமையும் அரசியல் நெறிமுறையும் அழுத்தமாகக் கூறப்பட்டுள்ளது.
பெரியார் (2007): திராவிட இயக்கத் தலைவர் பெரியார் ஈ.வே.ராமசாமியின் வாழ்க்கையை மையமாகக் கொண்டு உருவான இந்த படத்தில் சத்யராஜ் முக்கிய வேடத்தில் நடித்தார். ஞான ராஜசேகரன் இயக்கிய இப்படம், பெரியாரின் சமூக மாற்றங்கள் மற்றும் போராட்டங்களை உணர்வுபூர்வமாக பதிவு செய்தது.
சூரரைப் போற்று (2020): சுதா கொங்கரா இயக்கத்தில் சூர்யா நடித்த இந்த படம், ஏர்டெக்கான் நிறுவனர் கோபிநாத்தின் வாழ்க்கையை மையமாகக் கொண்டது. சாதாரண மக்களுக்கு விமான சேவை கனவல்ல என்ற அவரது எண்ணத்தை சினிமாவாக மாற்றியது. அமேசான் பிரைம் ஓடிடி தளத்தில் வெளியான இப்படம் பாராட்டுகள் பெற்றது.
தலைவி (2021): தமிழக முன்னாள் முதலமைச்சர் ஜெயலலிதாவின் வாழ்க்கையை மையமாகக் கொண்டு தயாரிக்கப்பட்ட படம். ஏ.எல். விஜய் இயக்கத்தில் கங்கனா ரனாத் ஜெயலலிதாவாகவும், அரவிந்த்சாமி எம்.ஜி.ஆர்.வாகவும் நடித்திருந்தனர். இந்த படம், ஒரு நடிகையிலிருந்து முதல்வராய் உயர்ந்த ஜெயலலிதாவின் அரசியல் பயணத்தை உணர்ச்சிப் பூர்வமாகக் கூறுகிறது.
800 (2023): இலங்கை வம்சாவளியை கொண்ட கிரிக்கெட் வீரர் முத்தையா முரளிதரனின் வாழ்க்கையை மையமாகக் கொண்டு ஶ்ரீபதி இயக்கிய படம். முரளிதரனாக மாதுர் மிட்டல் நடித்துள்ளார். குறைபாடுகளையும் விமர்சனங்களையும் தாண்டி உலக கிரிக்கெட்டில் சாதனை புரிந்த வீரரை மையமாக்கி எடுக்கப்பட்ட நல்ல வரவேற்பை பெற்றது.
