Bigg Boss Tamil

Bigg Boss Tamil Season 7 | 4th November 2023 – Promo 2: விஜய் டிவியில் ஒளிபரப்பாகும் பிக் பாஸ் சீசன் 7 நிகழ்ச்சி துவங்கப்பட்ட நாளிலிருந்து காரசாரமாக ஒளிபரப்பாகிறது. அதிலும் வீகென்ட் எபிசோடுகளில் பிக் பாஸ் போட்டியாளர்களை ஆண்டவர் வெளுத்து வாங்குவதால் அன்றைய நிகழ்ச்சிகள் சின்னத்திரை ரசிகர்களின் ஃபேவரட் ஆகவே மாறிவிட்டது.

அதிலும் இந்த சீசனில் இதுவரை வந்ததில் மாஸான ப்ரோமோ தற்போது வெளியாகியிருக்கும் இந்த ப்ரோமோ தான். இந்த சீசனின் வெற்றியாளர் இவர்தான் என பலரும் யூகித்த பிரதீப்பின் ஆட்டம் தாங்காமல் மொத்த பிக் பாஸ் வீடே கொந்தளித்துள்ளது. இன்றைய நிகழ்ச்சியில் பிரதீப்புக்கு எதிராக முழு பிக் பாஸ் வீடே செங்கொடியை உயர்த்தி இருக்கிறது.

கடந்த வாரம் முழுவதும் பிக் பாஸ் வீட்டில் பிரதீப்பின் அழுச்சாட்டியம் கொஞ்சம் நஞ்சமல்ல. ‘கெட்ட வார்த்தைகளை கோபத்தில் பேசினால் கூட பரவாயில்லை, தவறான நோக்கத்தில் பேசியது ரொம்பவே தப்பா இருக்குது’ என்று ஜோவிகா பிரதீப்புக்கு எதிராக உரிமைக்குரல் பேண்டை கையில் போட்டுக்கொண்டு கமலிடம் நியாயம் கேட்டார்.

இவரைத் தொடர்ந்து விஷ பாட்டில் பூர்ணிமா, ‘பிரதீப்பால் இந்த வீட்டில் தூங்கவே பயமா இருக்குது’ என்றும் நிக்சன், ‘பிரதீப் பேசுவதை தவறு என்று கூட ஒத்துக் கொள்ள மாட்டேங்கிறார். நான் பேசுவது தப்பெல்லாம் கிடையாது, இப்படி தான் பேசுவேன் என்று திமிரு காட்டுகிறார்’ அவரைத்தொடர்ந்து ரவீனா, ‘ஒரு பெண் என்று கூட பார்க்காமல் என்னுடைய இடுப்பில் அணிந்திருந்த அரைஞாண் கயிறை குறித்து பிரதீப் அசிங்கமாக விமர்சிக்கிறார்’ என்றும் விஷ்ணு, ‘பிரதீப்பிடம் யாராவது ஏதாவது கேட்க நினைத்தால் அவர்களை அசிங்க அசிங்கமாக பேசி விடுவேன் என்று ஆப் செய்கிறார்’.

தொடர்ச்சியாக மணி, ‘இன்று கூட பிரதீப் பாத்ரூம் போகும்போது கதவை அடைத்துக் கொள்ளாமல் திறந்து போட்டுக்கிட்டே டாய்லெட் போகிறார்’ என்று பிரதீப்பின் மீது ஹவுஸ் மேட்ஸ் அடுக்கடுக்கான குற்றச்சாட்டுகளை முன்வைக்கின்றனர். இதையெல்லாம் அமைதியாக கேட்டுக் கொண்டிருந்த ஆண்டவர், ‘இதற்கெல்லாம் என்ன தீர்ப்பு வழங்க வேண்டும் என்று எனக்கு தெரியும்’ என கோபத்துடன் பதில் அளித்தார்.

இன்னைக்கு பிரதீப்புக்கு சம்பவம் இருக்கு .சைக்கோ போல அவ்வப்போது நினைத்ததை எல்லாம் பேசிக்கொண்டு சிரிக்கும் பிரதீப் கடந்த வாரம் கொஞ்சம் ஓவராகவே தான் ஆடினார். இதற்கெல்லாம் நிச்சயம் இன்று ஆண்டவர் சரியான சவுக்கடி கொடுக்கப் போகிறார். வன்முறையாக நடந்து கொண்டதற்காக விஜய் வர்மாவை ரெட் கார்ட் கொடுத்து எலிமினேட் செய்தது போல், பிரதீப்புக்கும் இன்று ரெட் கார்ட் கொடுக்கப் போகின்றனர்.

Bigg Boss Tamil Season 7 | 3rd November 2023 – Promo 2: விஜய் டிவியில் ஒளிபரப்பாகும் பிக் பாஸ் சீசன் 7 நிகழ்ச்சியில் தொடர்ந்து இரண்டு வாரங்களாக விஷ பாட்டில் பூர்ணிமா தான் கேப்டன் ஆக இருந்து வருகிறார். அடுத்த வாரம் மூன்று பேர் கேப்டன்ஷிப் போட்டிக்காக தேர்வு செய்யப்பட்டுள்ளனர்.

கடந்த வாரம் பிக் பாஸ் வீட்டில் நடந்த எல்லா போட்டிகளிலும் சிறப்பாக விளையாடிய கூல் சுரேஷ் மற்றும் மாயா இருவரும் அடுத்த வார தலைவருக்கான போட்டிக்காக தேர்வு செய்யப்பட்டுள்ளனர். அதே சமயம் ஸ்மால் பாஸ் வீட்டில் இருந்து விசித்ரா தேர்வானார். கூல் சுரேஷ், விசித்ரா, மாயா இவர்கள் மூன்று பேருக்கும் தான் அடுத்த வார தலைவருக்கான போட்டி நடத்தப்பட்டது.

மேடையில் ஒரு காலை தூக்கிக் கொண்டு இன்னொரு காலில் மட்டுமே அதிக நேரம் யார் நிற்கிறார்களோ அவர்கள்தான் அடுத்த வார கேப்டன் ஆக முடியும். இந்த போட்டியில் விசித்ரா மிகக் குறைந்த நேரம் மட்டுமே ஒரு காலை தூக்கி கொண்டு நிற்க முடிந்தது. அவர் வெளியேறியதும் மாயா, கூல் சுரேஷ் இருவருக்கும் கடும் போட்டி நிகழ்ந்தது. ஆனால் கூல் சுரேஷ் ஒரு கட்டத்தில் தடுமாறி காலை ஊன்றி விட்டார்.

கடைசியாக மாயா தான் வெற்றி பெற்று அடுத்த வாரம் கேப்டன் ஆனார். சும்மாவே மாயாவின் ஆட்டம் தாங்காது, இதுல அவர் அடுத்த வார கேப்டன் ஆகிவிட்டால் பிக் பாஸ் வீடே தலைகீழாக மாறிவிடும். அதிலும் ஸ்மால் பாஸ் வீட்டிற்குள் யார் போக வேண்டும் என்பதை கேப்டன் தான் முடிவெடுப்பார்.

தனக்கு யாரெல்லாம் பிடிக்காதோ அவர்களை எல்லாம் மாயா ஸ்மால் பாஸ் வீட்டிற்குள் பொறுக்கி போட போகிறார். குறிப்பாக ரவீனா- மணி இருவரும் காதல் பறவைகளாக பிக் பாஸ் வீட்டில் ஜாலியாக இருக்கின்றனர். அவர்களை அடுத்த வாரம் வச்சு செய்யப் போகிறார். ஏனென்றால் மணியை மாயாவுக்கு சுத்தமாகவே பிடிக்காது, அந்த வெறுப்பை அவர் கேப்டன் ஆனதும் காட்டுவார்.

ஆனால் இந்த கேப்டன்ஷிப் போட்டிக்கு ஸ்மால் பாஸ் வீட்டிலிருந்து விசித்ராவிற்கு பதில் தினேஷ் தேர்ந்தெடுத்திருந்தால் அவர்தான் அடுத்த வார தலைவராகி இருப்பார். தினேஷ் மட்டும் கேப்டன் ஆகி இருந்தால் பிக் பாஸ் சீசன் 7ல் இது வரை இல்லாத ஒரு மாற்றம் ஏற்பட்டிருக்கும். கடந்த வாரம் திடீரென என்ட்ரி கொடுத்த 5 வைல்ட் கார்ட் போட்டியாளர்களுள் தினேஷ் மட்டும் தனித்துவமாக விளையாடுகிறார். அவர் பைனல்ஸ் வரை செல்ல அதிக வாய்ப்பு இருக்கிறது.

Bigg Boss Tamil Season 7 Today Promo: இன்று வெளியாகியிருக்கும் ப்ரோமோவில் ஸ்மால் பாஸ் வீட்டில் இருக்கும் விசித்ராவை 5 போட்டியாளர்கள் வச்சு செய்து விட்டனர். இதனால் கோபத்தின் உச்சத்திற்கு போன அவர் வாயில் என்ன வார்த்தை வருகிறது என்று கூட தெரியாமல் சரமாரியாக கெட்ட வார்த்தைகளால் அர்ச்சனை செய்துவிட்டார்.

அது மட்டுமல்ல ஒரு கட்டத்தில் கோபம் தலைக்கேறி தன்னையே அறியாமலும் அழுதுவிட்டார். அந்த வீட்டில் எனக்கு பைத்தியமே பிடிக்குது என்றும் கதறுகிறார். இந்த வார கேப்டனான பூர்ணிமாவிடம் விசித்ரா ‘எதுக்குடி என்ன ஸ்மால் பாஸ் வீட்டிற்கு அனுப்பிச்சீங்க’ என்று சண்டைக்கு நிற்கிறார்.

ஏனென்றால் அந்த அளவிற்கு ஸ்மால் பாக்ஸ் வீட்டில் இருக்கும் 5 வைல்ட் கார்ட் போட்டியாளர்களும் கிளாமர் குயின் விசித்ராவை வச்சு செய்கின்றனர்.  பிக் பாஸ் வீட்டில் மூத்தவராக இருக்கும் விசித்ரா அப்போது மற்ற போட்டியாளர்களுக்கு அறிவுரை சொல்வார்.

ஆனால் வைல்ட் கார்ட் என்ட்ரிகளாக உள்ளே வந்திருப்பவர்கள் யாருமே விசித்ராவை சுத்தமா மதிக்கவில்லை. அவர் சமையல் செய்யும்போது வேண்டிய உதவிகளை செய்யாமல் எனக்கென்னன்னு இருக்கிறார்கள்.  அதிலும் குறிப்பாக அர்ச்சனா விசித்ராவிடம் ஓவராக திமிரு காட்டுகிறார்.

இதனால் பொறுமையை இழந்த விசித்ரா விதிகளை மீறி ஸ்மால் பாஸ் வீட்டில் இருந்து பிக் பாஸ் வீட்டிற்குள் நுழைந்தார். அவரை சமாதானப்படுத்தி எப்படியாவது மறுபடியும் ஸ்மால் பாஸ் வீட்டிற்கு அனுப்ப வேண்டும் என பிக் பாஸ் வீட்டில் இருப்பவர்கள் முயற்சிக்கின்றனர். விசித்ரா விதிகளை மீறி பிக் பாஸ் வீட்டிற்குள் வந்ததால் கேஸ் கட் ஆகும்.

‘கேஸ் இல்லாம யாராலும் சமைக்க முடியாது, எல்லாரும் சாப்பிடாமல் மூடிக்கிட்டு இருங்க’ என்று கெட்ட வார்த்தைகளால் விசித்ரா அர்ச்சனை செய்கிறார். இந்த சம்பவத்தால் வைல்ட் கார்ட் போட்டியாளர்கள் என்ன செய்வது என்று தெரியாமல் உறைந்து போனார்கள். இன்றைய நிகழ்ச்சி விசித்ராவால் சூடு பிடித்துள்ளது.

Bigg Boss Tamil Season 7 | 31st October 2023 – Promo 2 : மற்ற சீசன்களை காட்டிலும் பிக் பாஸ் சீசன் 7 துவங்கப்பட்ட நாளில் இருந்தே காரசாரமாக ஒளிபரப்பாகிறது. அதிலும் டைட்டிலை அடித்து விட வேண்டும் என ஒவ்வொருவரும் விதவிதமான ஸ்டேடர்ஜியை பின்பற்றுகின்றனர். பிரதீப் தான் இந்த சீசனின் டைட்டில் வின்னர் என அனைவரும் நினைத்தனர். ஆனால் இவர் விஜய் வர்மாவை விட மோசமாக நடந்து கொள்கிறார்.

இவருக்கு ஸ்ட்ரைக் கார்ட் எல்லாம் வேண்டாம், ஸ்ட்ரைட்டா ரெட் கார்டே கொடுக்க வேண்டும். ‘அசைஞ்சா போச்சு’ என்ற டாஸ்க் இன்று பிக் பாஸ் வீட்டில் நடத்தப்பட்டது. பெல் கொண்ட பெல்ட்டை போட்டியாளர்கள் தலையில் அணிந்து கொண்டு அந்த பெல் ஃப்ரீஸ் ஆக வைப்பது தான் டாஸ்க். அப்போது பிரதீப் கூல் சுரேஷை பார்த்து ‘அவர் மணிய ஆட்டிக்கிட்டு மட்டும் இருக்க சொல்லுங்க’ என்று இரட்டை அர்த்தத்துடன் அசிங்கமாக பேசினார்.

இவ்வளவு நாள் கூலாக பிக் பாஸ் வீட்டில் இருந்த சுரேஷ் பிரதீப்பின் அவமான பேச்சால் பெட்டியை கட்டிக்கொண்டு கிளம்ப பார்த்தார். உடனே வீட்டில் இருக்கும் சக போட்டியாளர்கள் அவரை அமைதிப்படுத்தி வீட்டிற்குள் அழைத்துச் சென்றனர். அதன் பின்பு பிரதீப் சொன்னது தப்புதான் என்று கூல் சுரேஷிடம் மன்னிப்பு கேட்க சொன்னார்கள்.

ஆனால் அப்போதும் பிரதீப், ‘நான் இப்படி தான் மரியாதை இல்லாமல் பேசுவேன். இது என்னோட ஸ்டேட்டர்ஜி’ என்று ஓவராக திமிருடன் பேசுகிறார். மக்கள் கொடுக்கிற சப்போட்டால் பிரதீப் நாளுக்கு நாள் ஓவராக ஆடுகிறார். மரியாதை இல்லாமல் பேசாதே’ என கூல் சுரேஷ் சொன்னதும், ‘சில்லறை பயலே! செருப்பு பிஞ்சிடும் நாயே’ என்று பிரதீப் எல்லை மீறிய வார்த்தைகளால் திட்டுகிறார்.

பிரதீப் பண்ணுவது கொஞ்சம் கூட சரியல்ல என ஹவுஸ் மேட்ஸ் அனைவரும் அவருக்கு எதிராக திரும்புகின்றனர். பிரதீப்பின் உண்மையான முகத்திரை இப்போது கிழிந்து தொங்குகிறது. அதேசமயம் கூல் சுரேஷ் இப்போதுதான் தன்னுடைய ஆட்டத்தை ஆட துவங்கியிருக்கிறார்.

இனிமேல் பிக் பாஸ் 7 நிகழ்ச்சி இன்னும் சூடு பிடிக்கப் போகிறது. மேலும் பிரதீப் பேசுவதை யாராலும் ஏற்றுக்கொள்ள முடியவில்லை. நாளுக்கு நாள் அவர் யாருக்குமே மரியாதை கொடுக்காமல் படு கேவலமாக வார்த்தைகளை விடுகிறார். நிச்சயம் இந்த வாரம் பிரதீப்பிற்கு ஆண்டவர் ரெட் கார்ட் கொடுப்பது உறுதி.

BB7 Tamil Promo: விஜய் டிவியின் பிரம்மாண்ட நிகழ்ச்சி பிக் பாஸ் சீசன் 7, 27 நாட்களை கடந்து இருக்கிறது. நேற்றைய எபிசோடில் ஒட்டுமொத்தமாக விஜே அர்ச்சனா, கானா பாலா, பிரவோ, தினேஷ், அன்ன பாரதி என ஐந்து போட்டியாளர்கள் பிக் பாஸ் வீட்டிற்கு சென்று இருக்கிறார்கள். முந்தைய சீசன் போல் இல்லாமல், இந்த சீசனில் பழைய போட்டியாளர்கள் ஒட்டுமொத்தமாக புதிதாக வந்திருப்பவர்களை கார்னர் செய்ய ஆரம்பித்திருக்கிறார்கள்.

அடிச்சிக்கிட்டாலும் நமக்குள்ள முடிச்சுக்கலாம் புதுசா யாரும் உள்ளே வர வேண்டாம் என பழைய போட்டியாளர்கள் முடிவெடுத்து விட்டார்கள். முதல் நாள் சம்பிரதாயத்துக்காகவாது நன்றாக பேசுவோம் என்று இல்லாமல் நேற்றில் இருந்தே பஞ்சாயத்தை ஆரம்பித்து விட்டார்கள். அதிலும் இந்த வார கேப்டனாக தேர்ந்தெடுக்கப்பட்ட பூர்ணிமா ஸ்மால் பாஸ் வீட்டிற்கு ஒட்டுமொத்த வைல்ட் கார்டு போட்டியாளர்களையும் தேர்ந்தெடுத்து இருக்கிறார்.

இந்த நிலையில் இன்று வெளியான மூன்றாவது ப்ரோமோவில் பூர்ணிமா பிக் பாஸ் வீட்டின் பழைய போட்டியாளர்களை அழைத்து நேற்று வைல்டு கார்டு என்ட்ரி ஆக உள்ளே வந்தவர்களை நாம் சரியாக வரவேற்கவில்லை என அர்ச்சனா சொல்கிறார் என்றார். அதற்கு மாயா அதெல்லாம் நீங்க எதிர்பார்க்காதீங்கனு நக்கலாக சிரித்துக் கொண்டே சொல்கிறார்.

உடனே அர்ச்சனா நீங்க கலாய்ப்பதற்க்கெல்லாம் நாங்க எல்லாம் அமைதியா போகணும்னு எதிர்பார்க்கிறீங்களா என கேக்க, மாயா நான் பேசியது அவமரியாதையா இருந்ததுனா மன்னிச்சுக்கோங்க என்று சொல்கிறார். வேண்டாதவங்களா இருந்தாலும் வீட்டுக்கு வந்தவங்கள வாங்கன்னு சொல்றது தான் மரியாதை என்று சொல்ல, அதற்கு மாயா உடன் சேர்ந்து பழைய போட்டியாளர்கள் எல்லோருமே சிரிக்கிறார்கள்.

அர்ச்சனா அதற்கு நீங்க செய்வது எதுவுமே சரி இல்லை என்று சொல்லி அழுகிறார். அவரை தினேஷ் சமாதானப்படுத்துவது போல் அந்த ப்ரோமோ முடிகிறது. பிக் பாஸ் வீட்டுக்குள் வந்த முதல் நாளே அர்ச்சனா தாக்கு பிடிக்க முடியாமல் அழுதது பார்வையாளர்களே அதிர்ச்சியடைய செய்திருக்கிறது. இதுவரை நடந்த சீசன்களில் வைல்டு கார்டு என்ட்ரி ஆக வந்தவர்கள் இப்படி ஒரு சூழ்நிலையை சந்தித்தது இல்லை.

புதிதாக வந்த போட்டியாளர்களை கார்னர் செய்வது, அவர்களை ஸ்மால் பாஸ் வீட்டிற்கு அனுப்பி விசித்ரா மூலம் டார்ச்சர் செய்ய நினைப்பது, எல்லோரும் கூட்டாக சேர்ந்து கொண்டு புதிய போட்டியாளர்களை நாமினேட் செய்வது என பிக் பாஸ் சீசன் 7 நிகழ்ச்சியின் பழைய போட்டியாளர்கள் விதிகளை மீறிக் கொண்டே இருக்கிறார்கள். இது பார்வையாளர்களை எரிச்சல் அடைய செய்கிறது.