தமிழ் சினிமாவின் முன்னணி இயக்குநர்களான பாலா மற்றும் வெற்றிமாறன் புதிய படம் ஒன்றிற்காக இணைந்துள்ளனர்.
புதுமுக நடிகர்களை வைத்து இயக்குநர் பாலா இயக்கும் இப்படத்தை, இயக்குநர் வெற்றிமாறன் தயாரிக்கவுள்ளார்.
இப்படத்திற்கு இளம் இசைக் கலைஞர் லிடியன் நாதஸ்வரம் இசையமைக்கிறார்.
இப்படத்திற்காக அவர் உருவாக்கியுள்ள நான்கு பாடல்களைக் கேட்ட வெற்றிமாறன், லிடியன் நாதஸ்வரத்தை வெகுவாகப் பாராட்டியுள்ளதாகத் தகவல்கள் வெளியாகியுள்ளன.
மேலும், இந்தப் படத்தில் பணியாற்றுவதுடன், வெற்றிமாறனின் மற்றொரு திட்டமான அரசன் படத்திற்கும் லிடியன் நாதஸ்வரம் இசையமைக்கப் பேச்சுவார்த்தை நடைபெற்று வருவதாகக் கூறப்படுகிறது.
இந்தப் படத்தில் இளம் புதுமுக நடிகர்கள் நடிக்கவுள்ளதாக மட்டுமே இதுவரை தகவல்கள் வெளியாகியுள்ளன. மறுபுறம், நடிகர் விஜய் சேதுபதியும் இப்படத்தில் நடிக்கவுள்ளதாகச் சில சினிமா வட்டாரங்களில் வேறுவிதமான தகவல்கள் உலா வருகின்றன.
இதுகுறித்து படக்குழுவிடம் இருந்து இதுவரை எந்தவொரு அதிகாரப்பூர்வ அறிவிப்பும் வெளியாகாத நிலையில், இந்தப் புதிய கூட்டணி சினிமா வட்டாரங்களில் பேசுபொருளாகியுள்ளது.




