தமிழ் சினிமாவில் முன்னணி நடிகராக இருப்பவர் கமல்ஹாசன். இவர் தற்போது லோகேஷ் கனகராஜ் இயக்கத்தில் மல்டி ஸ்டார் படமாக உருவாகிவரும் ‘விக்ரம்’ படத்தில் நடித்து வருகிறார். அதுமட்டுமல்லாமல் ஷங்கர் இயக்கும் இந்தியன்-2 படத்திலும் நடித்து வருகிறார்.
இவரைப்போலவே மாஸ் ஹீரோவான சூர்யா ஜெய் பீம், எதற்கும் துணிந்தவன் ஆகிய படங்களில் நடித்து வருகிறார். இந்நிலையில் இவர்கள் இருவரும் இணைந்து ஒரு படத்தில் நடிக்கப்போவதாக ஒரு தகவலை சமூக வலைத்தளங்களில் சூர்யாவின் ரசிகர்கள் பகிர்ந்து வருகின்றனர்.
மலையாளத்தில் 5 சுந்தரிகள், காம்ரேட் இந்த அமெரிக்கா, மற்றும் வரதன் ஆகிய படங்களை இயக்கியவர் அமல் நீரட். இயக்குனராக மட்டுமல்லாமல் ஒளிப்பதிவாளர், தயாரிப்பாளராகவும் இருக்கும் இவர் சமீபத்தில் கமலையும், சூர்யாவையும் வைத்து ஒரு படம் இயக்கப்போவதாகவும், அந்த கதையை இருவரிடமும் கூறி ஓகே வாங்கிவிட்டதாகவும் சூர்யா ரசிகர்கள் சமூக வலைத்தளங்களில் பகிர்ந்து வந்தனர்.
இந்த செய்தி உண்மையாக இருக்கும்பட்சத்தில் கண்டிப்பாக இது தமிழ் சினிமா ரசிகர்களுக்கு ஒரு பெரிய விருந்தாக இருக்கும் என்பதில் சந்தேகம் இல்லை. ஆனால், இந்த செய்தியில் துளியும் உண்மை இல்லை எனவும் தகவல்கள் வந்துகொண்டிருக்கின்றன.
முன்னதாக கடந்த 2010ஆம் ஆண்டு கே.எஸ்.ரவிக்குமார் இயக்கத்தில் கமல், மாதவன் இருவரும் இணைந்து மன்மதன் அம்பு என்ற படத்தில் நடித்திருந்தனர். இப்படத்தில் சூர்யா ஒரு பாடலுக்கு சிறப்பு தோற்றத்தில் நடித்திருந்தது குறிப்பிடத்தக்கது.