விஜய் நடிப்பில் வெளியான மாஸ்டர் படம் மிகப்பெரிய பிளாக்பஸ்டர் ஹிட் ஆகி வசூல் சாதனை படைத்தது. இப்படத்தை தொடர்ந்து நெல்சன் திலீப்குமார் இயக்கத்தில் விஜய் நடித்துள்ள படம் பீஸ்ட். இப்படத்தில் விஜய்க்கு ஜோடியாக பூஜா ஹெக்டே நடித்துள்ளார். அபர்ணா தாஸ், செல்வராகவன், யோகி பாபு, ரெடின் கிங்ஸ்லி, விடிவி கணேஷ் மற்றும் பலர் பெஸ்ட் படத்தில் நடித்துள்ளனர்.
பீஸ்ட் படத்தை சன் பிக்சர்ஸ் தயாரித்து உள்ளது. இப்படம் ஏப்ரல் 14ஆம் தேதி திரையரங்குகளில் வெளியாக உள்ளது. இந்நிலையில் பீஸ்ட் படத்திற்கு போட்டியாக கேஜிஎப் 2 படமும் வெளியாக உள்ளது. எனவே எந்த படம் அதிக திரையரங்குகளில் வெளியாகயுள்ளது என்ற ஆர்வம் அதிகரித்துள்ளது.
விஜய்க்கு மாஸ்டர் படத்தைப்போல் பீஸ்ட் படமும் மிகப்பெரிய வெற்றி கொடுக்கும் என ரசிகர்கள் ஆர்வமாக காத்திருக்கின்றனர். சமீபத்தில் படத்தின் படப்பிடிப்பு நிறைவு பெற்று போஸ்ட் புரொடக்ஷன் பணிகள் தொடங்கியது. இந்நிலையில் பீஸ்ட் படத்தின் மோஷன் போஸ்டர் நாளை வெளியாக உள்ளதாக படக்குழு தெரிவித்துள்ளது.
விஜய் படங்களுக்கு ஆடியோ லான்ச் மிக பிரம்மாண்டமாக நடக்கும். அந்த வகையில் பீஸ்ட் படத்தின் ஆடியோ லான்ச் பங்க்ஷன் மார்ச் 20ஆம் தேதி நடைபெறும் என கூறப்பட்டது. ஆனால் அண்மையில் பீஸ்ட் படத்தின் ஆடியோ லான்ச் ரத்து செய்யப்படுவதாக தகவல் வெளியானது. இதனால் விஜய் ரசிகர்கள் மிகுந்த வருத்தத்தில் இருந்தனர்.
இந்நிலையில் நாளை பீஸ்ட் படத்தின் மோஷன் போஸ்டர் வெளியாக உள்ளதால் விஜய் ரசிகர்கள் மகிழ்ச்சியில் உள்ளனர். அதுமட்டுமல்லாமல், பீஸ்ட் படத்தில் நடித்துள்ள ரெடின் கிங்ஸ்லி தனது சமூக வலைத்தளங்களில் நாளை பீஸ்ட் மோஷன் போஸ்டர் வெளியாக உள்ள தகவலை பகிர்ந்துள்ளார்.