நாக் அஸ்வின் இயக்கத்தில் பிரபாஸ், அமிதாப் பச்சன், கமல்ஹாசன் உள்ளிட்டோர் நடிப்பில் உருவாகி வரும் ‘கல்கி 2898 ஏ.டி.’ இரண்டாம் பாகத்தின் தெலங்கானா மாநில நிஜாம் விநியோக உரிமை குறித்த தகவல் தற்போது டோலிவுட்டில் ஹாட் டாபிக்காக மாறியுள்ளது.
பிரபல விநியோகஸ்தரான ஏசியன் சுனில் மற்றும் தயாரிப்பாளர் சுரேஷ் பாபு ஆகியோர் இணைந்து, இப்படத்தின் நிஜாம் விநியோக உரிமையை 108 கோடிக்கு கைப்பற்றியுள்ளதாகத் தகவல்கள் வெளியாகியுள்ளன. இருப்பினும், தயாரிப்பு நிறுவனமான வைஜெயந்தி மூவிஸ் தரப்பிலிருந்து இதுவரை எந்தவொரு அதிகாரப்பூர்வ அறிவிப்பும் வெளியாகவில்லை.
கடந்த 2024-ஆம் ஆண்டு வெளியான ‘கல்கி 2898 ஏ.டி.’ முதல் பாகத்தின் நிஜாம் விநியோக உரிமை சுமார் 65 கோடிக்கு விற்பனை செய்யப்பட்டது. அந்தப் படம் தியேட்டர்களில் 100 கோடிக்கும் மேல் வசூலித்தது.
இந்நிலையில், முதல் பாகத்தின் விநியோக உரிமை விலையைவிட அதிக தொகைக்கு இரண்டாம் பாகத்தின் உரிமை விற்பனை செய்யப்பட்டுள்ளதாகக் கூறப்படுகிறது.
மேலும், அக்டோபர் 2026 முதல் இரண்டாம் பாகத்தின் படப்பிடிப்பு தொடங்கியுள்ளது.
இப்படத்தில் கமல்ஹாசனின் கதாபாத்திரம் குறித்த எதிர்பார்ப்பும் அதிகரித்துள்ளது.
படத்தின் கிராபிக்ஸ் மற்றும் விஷுவல் எஃபெக்ட்ஸ் (VFX) பணிகளுக்கு அதிக காலம் தேவைப்படுவதால், இப்படம் 2028-ஆம் ஆண்டு திரையரங்குகளில் வெளியாகும் என எதிர்பார்க்கப்படுகிறது.
முதல் பாகம் உலகளவில் 1000 கோடிக்கும் மேல் வசூலித்ததுடன், இரண்டு தேசிய விருதுகளையும் வென்றது. இதன் காரணமாக, இரண்டாம் பாகத்தின் படப்பிடிப்பு முழுவீச்சில் நடைபெற்று வரும் நிலையில், வெளியீட்டுக்கு முன்பே அதன் வியாபாரம் பிரம்மாண்டமாகத் தொடங்கியுள்ளது.




