வீடியோக்கள்

BB7 Wild Card Entry: விஜய் டிவியின் பிக் பாஸ் நிகழ்ச்சியில் ஆரம்பிக்கப்பட்ட நான்காவது வாரத்திலேயே ஓபன் நாமினேஷன் நடைபெற்று இருக்கிறது. ஊர் ரெண்டு பட்டா கூத்தாடிக்கு கொண்டாட்டம் என்று சொல்வார்கள். அப்படித்தான் இப்போது பிக் பாஸ் ஆகிவிட்டார். வீட்டை இரண்டாக பிரித்து வைத்து கொளுத்தி போட்டதோடு, தற்போது ஓபன் நாமினேஷன் வைத்து அதில் பெட்ரோலையும் ஊற்றி விட்டார். இப்போது வீடு பற்றி எரிந்து கொண்டு இருக்கிறது.

மற்ற சீசன்களில் எல்லாம் இல்லாத அளவுக்கு இந்த சீசன் எப்போதுமே காட்டுக் கூச்சலாக தான் இருக்கிறது. ஆகாதவன் பொண்டாட்டி கைபட்டாலும் குத்தம், கால் பட்டாலும் குத்தம் என்று ஆகிவிட்டது. சுவாரஸ்யம் இல்லாதவர்கள் என்று ஆறு பேரை ஸ்மால் பாஸ் வீட்டிற்கு அனுப்பி வைத்துவிட்டு இரண்டு வீட்டிற்கும் நடுவில் நடக்கும் பஞ்சாயத்தே நாள் முழுவதும் சரியாக இருக்கிறது.

இந்த வாரம் திங்கட்கிழமையே சூடு பிடித்து இருக்கிறது. கிளீனிங் டாஸ்க்கில் மணி மற்றும் விஷ்ணு மோதிக்கொண்டனர். இதனைத் தொடர்ந்து போட்டியின் நடுவராக இருந்த கேப்டன் பூர்ணிமாவை ஸ்மால் பாஸ் வீட்டினர் வறுத்து எடுத்து விட்டனர். சண்டை பெருசாகி கடைசியில் விஷ்ணுவுக்கும், பிரதீப்புக்கும் இடையே முட்டிக்கொண்டது.

போதாத குறைக்கு வாரத்தின் முதல் நாள் நாள் ப்ரோமோவில் கமலஹாசன் வந்து மற்றொரு குண்டை தூக்கி போட்டு இருக்கிறார். இதுவரைக்கும் பிக் பாஸ் சீசன்களில் 2 வைல்டு கார்டு என்ட்ரி தான் இருக்கும். ஆனால் இந்த முறை பிக் பாஸ், ஸ்மால் பாஸ் என இரண்டு வீடுகள் இருப்பதால் இந்த முறை ஐந்து பேர் வர இருக்கிறார்கள். அதுவும் வரும் சனிக்கிழமை 8 மணிக்கு ஒரே நேரத்தில் வருகிறார்கள்.

கடந்த வாரம் போல இந்த வாரமும் 11 பேர் நாமினேட் ஆகி இருக்கிறார்கள். பிரதீப் ஆண்டனி, ஜோவிகா, கூல் சுரேஷ், மணி, மாயா, விஷ்ணு, வினுஷா, அக்ஷயா, நிக்சன், யுகேந்திரன், சரவண விக்ரம் ஆகியோர்தான் நாமினேட் செய்யப்பட்டு இருப்பது. வீட்டில் இந்த லிஸ்டில் பிரதீப் வெளியேற வாய்ப்பே இல்லை. அதேபோன்று மாயா இல்லை என்றால் அந்த வீட்டில் கண்டன்ட் இல்லை என்று ஆகிவிட்டது.

வைல்ட் கார்டு என்ட்ரி ஆக ஐந்து பேர் வர இருப்பதால் பிக் பாஸ் வீட்டில் வரும் வாரம் டபுள் எவிக்சன் நடைபெற இருக்கிறது. வினுஷா மற்றும் அக்ஷயா தான் வெளியேற அதிக வாய்ப்பு இருக்கிறது. பார்வையாளர்கள் சிலர் சரவண விக்ரம் வீட்டில் இருப்பது போல தெரியவே இல்லை. இதற்கு அவர் எலிமினேஷன் ஆகி பாண்டியன் ஸ்டோர்ஸில் கதிராக நடித்த குமரன் வைல்டு கார்டு என்ட்ரி ஆக வந்தால் நன்றாக இருக்கும் என எதிர்பார்க்கிறார்கள்.

Bigg Boss Season 7 Promo: விஜய் டிவியின் பிரம்மாண்ட நிகழ்ச்சி பிக் பாஸ் நாளுக்கு நாள் சுவாரஸ்யம் குறையாமல் போய்க்கொண்டிருக்கிறது. சும்மா எல்லாரும் சண்டை போட்டுக் கொண்டே இருக்கிறார்களே எப்போது தான் டாஸ்க் செய்வார்கள் என்று பார்வையாளர்கள் கடந்த வாரம் வரை கேள்வி கேட்டுக் கொண்டு இருந்தார்கள். இனி எங்களிடம் டாஸ்கே எதிர்பார்க்கக் கூடாது என்று சொல்லும் அளவிற்கு ஆக்சிஜன் சிலிண்டர் டாஸ்க் நடைபெற்றது.

இதன் விளைவாக கமலஹாசன் நேற்று, போட்டி கைகலப்பாக மாறும் பொழுது அதை உடனே நிறுத்த வேண்டும் என்று சொல்லி இருந்தார். மேலும் விஜய் வர்மா நேற்று வீட்டிலிருந்து எலிமினேட் செய்யப்பட்டார். இதனைத் தொடர்ந்து பிக் பாஸ் வீட்டின் இந்த வார கேப்டன் ஆக பூர்ணிமா தேர்வாகி இருக்கிறார். போதாத குறைக்கு இன்று ஓபன் நாமினேஷன் வேறு நடைபெற்று இருக்கிறது.

இந்த வாரத்தின் தலைவர் பூர்ணிமாவை அதிகம் வறாதவர்கள் என்ற லிஸ்டில் பிரதீப், நிக்ஸன், மணி, யுகேந்திரன், அனன்யா,ஜோவிகா ஆகியோர் ஸ்மால் பாஸ் வீட்டிற்கு அனுப்பப்பட்டு இருக்கிறார்கள். இதனைத் தொடர்ந்து வீட்டின் கிளீனிங் வேலையை செய்வதற்காக டாஸ்க் வைக்கப்பட்டது. பிக் பாஸ் வீட்டின் சார்பாக விஷ்ணுவும், ஸ்மால் பாஸ் வீட்டின் சார்பாக மணியும் கலந்து கொண்டார்கள்.

சேரில் உட்கார்ந்து கொண்டு கால்பந்து விளையாடி அதிகம் கோல் சேர்ப்பவர்கள் தான் வின்னர் என்ற டாஸ்க் கொடுக்கப்பட்டது. இதில் பிக் பாஸ் வீட்டை சேர்ந்த விஷ்ணு வெற்றி பெற்றார். இதனால் டென்ஷன் ஆன நிக்சன் நடுவராக இருந்த பூர்ணிமாவை எதிர்த்து கேள்வி கேட்டதோடு ஸ்மால் பாஸ் வீட்டை சேர்ந்தவர்கள் அத்தனை பேரும் கேப்டன் டவுன் என கத்த ஆரம்பித்து விட்டார்கள்.

இந்த சலசலப்பில் திடீரென விஷ்ணு விஜய் மற்றும் பிரதீப் ஆண்டனிக்கு இடையே மோதலாகிவிட்டது. ஒருவருக்கு ஒருவர் மாறி மாறி கத்த ஆரம்பித்து விட்டார்கள். ஏற்கனவே முதல் வாரத்தில் பிரதீப்பிடம் தவறுதலாக பேசிய விஜய் வர்மாவுக்கு ஸ்ட்ரைக் கார்டு கொடுக்கப்பட்டது தான் இந்த ப்ரோமோ வீடியோவை பார்க்கும் பொழுது நினைவுக்கு வருகிறது.

மேலும் இந்த வாரத்தின் ஓபன் நாமினேஷனில் பிரதீப், மணி மற்றும் மாயா அதிக போட்டியாளர்களால் நாமினேட் செய்யப்பட்டு இருக்கிறார்கள். இந்த வாரத்தின் ஆரம்பத்திலேயே மணி மற்றும் ரவீனாவை வேறு வேறு வீட்டில் பிரித்துப் போட்டது பார்வையாளர்களிடையே நல்ல வரவேற்பை பெற்றிருக்கிறது. இந்த இருவரில் ஒருவர் இந்த வாரம் நன்றாக விளையாடுவார்கள் என எதிர்பார்க்கப்படுகிறது.

BB 7 Red Card: விஜய் டிவியின் பிரம்மாண்ட நிகழ்ச்சி பிக் பாஸ் தொடங்கி 20 நாட்களுக்கு மேலாகிவிட்டது. 20 போட்டியாளர்களுடன் தொடங்கப்பட்ட இந்த நிகழ்ச்சியில் தற்போது 16 போட்டியாளர்கள் இருக்கிறார்கள். அதிலும் இந்த வாரம் 11 பேர் நாமினேட் செய்யப்பட்டார்கள். இதில் யார் வெளியே போவார் என்பது தான் இந்த வாரத்தில் மிகப்பெரிய எதிர்பார்ப்பாக இருக்கிறது.

இந்த முறை ஆரம்பத்திலேயே கொளுத்தி போட்டு விட்டார் பிக் பாஸ். இரண்டு வீடுகள் அமைத்து சுவாரசியம் இல்லாதவர்களை அந்த வாரத்தின் தலைவர் ஸ்மால் பாஸ் வீட்டுக்கு அனுப்ப வேண்டும் என்று ரூல்ஸ் சொன்னதிலிருந்து மொத்த பிரச்சனையும் பற்றி கொண்டு விட்டது. ஆரம்பித்த 20 நாட்களிலும் சண்டை மற்றும் சச்சரவு தான் பிக் பாஸ் வீட்டில் அதிகமாக இருக்கிறது.

பிக் பாஸ் வீட்டில் இதுவரை கடினமான டாஸ்க் எதுவுமே கொடுக்கப்படவில்லை என்று வெளியில் பேசப்பட்டது. அந்த குறையை தீர்த்து வைக்கும் வகையில் கடந்த வாரம் ஆக்சிஜன் சிலிண்டர் டாஸ்க் கொடுக்கப்பட்டது. ஆரம்பித்த போது இது ஒன்றும் அந்த அளவுக்கு பெரிய டாஸ்கில்லை என்று தான் தோன்றியது. ஆனால் உள்ளே இருந்த போட்டியாளர்கள் அதை ஒரு போர்க்களமாகவே மாற்றி விட்டார்கள்.

விஜய் வர்மா ஏற்கனவே முதல் வாரத்திலேயே தேவை இல்லாமல் பேசியதற்காக ஸ்ட்ரைக் வாங்கி இருந்தார். தற்போது நடந்த ஆக்சிஜன் சிலிண்டர் டாஸ்க்கில் ரொம்பவும் கோபமாக நடந்து கொண்டதோடு உடலளவில் போட்டியாளர்களை தாக்கியது எல்லோருக்குமே அதிர்ச்சியாகத்தான் இருந்தது. கமலஹாசன் எபிசோடில் கண்டிப்பாக அவர் இதைப் பற்றி பேசியே ஆக வேண்டும் என பார்வையாளர்கள் எதிர்பார்த்தனர்.

பார்வையாளர்கள் எதிர்பார்த்தபடி மூன்றாவது ப்ரோமோவில் கமல் இதைப் பற்றி பேசியிருக்கிறார். உங்களுடைய தனிப்பட்ட கோபத்தை இதுபோன்று டாஸ்க்கில் காட்டக்கூடாது என சொல்லி இருக்கிறார். மேலும் ஒரு போட்டி எல்லையை மீறுகிறது என்று தெரிந்தால் உடனே அதை நிறுத்த வேண்டும் என எச்சரித்தும் இருக்கிறார். மேலும் விஜய் வர்மா செய்ததை பிரதிப் பெரிதாக எடுத்துக் கொள்ளாததற்கு அவருக்கு பாராட்டுகளையும் தெரிவித்து இருக்கிறார்.

பிக் பாஸ் விதிகளின்படி உடல் அளவில் காயத்தை ஏற்படுத்தும் போட்டியாளர்களுக்கு ரெட் கார்டு கொடுக்கப்படும். இரண்டாவது சீசனில் இது போன்ற ஒரு டாஸ்க்கில் மகத், டானியை காயப்படுத்தி இருந்தார். அப்போது அவருக்கு ரெட் கார்டு கொடுக்கப்பட்டது. இந்த சீசனில் விஜய் வர்மாக்கு ரெட் கார்டு கொடுக்கப்பட்டு வெளியேற்றப்பட்டார் என செய்திகள் வெளியாகி இருக்கிறது. இன்றைய எபிசோடில் இது உறுதியாக தெரிய வரும்.

BB7 3rd Week Nomination List: விஜய் டிவியின் பிரம்மாண்ட நிகழ்ச்சி பிக் பாஸ் சீசன் 7 அக்டோபர் மாதம் முதல் வாரத்தில் தொடங்கப்பட்டது. வெற்றிகரமாக மூன்றாவது வாரத்தில் அடியெடுத்து வைத்திருக்கும் இந்த சீசனில் எப்போதுமே பரபரப்புக்கும், சண்டை சச்சரவுக்கும் பஞ்சமில்லாமல் போய்க் கொண்டிருக்கிறது. இப்படி ஒரு சீசனை தான் எதிர்பார்த்தேன் என்று பிக் பாஸே சொல்லும் அளவிற்கு போட்டியாளர்கள் கண்டன்டுக்கு மேல் கன்டென்ட் கொடுத்து வருகிறார்கள்.

20 போட்டியாளர்களுடன் களம் கண்ட பிக் பாஸ் ஏழாவது சீசனில், முதல் எலிமினேஷன் ஆக அனன்யா ராவ் வெளியேறினார். மேலும் எழுத்தாளர் மற்றும் நடிகர் பவா செல்லதுரை தாமாக முன்வந்து வீட்டை விட்டு வெளியேறி இருக்கிறார். இவருடைய வெளியேற்றத்தால் கடந்த வாரம் எலிமினேஷன் இல்லை என விஜய் தொலைக்காட்சி அறிவித்துவிட்டது. இதனால் தற்போது பிக் பாஸ் வீட்டிற்குள் 18 போட்டியாளர்கள் இருக்கிறார்கள்.

சனி மற்றும் ஞாயிற்றுக்கிழமை எபிசோடுகளில் கமலஹாசன் போட்டியாளர்களை சிறப்பாக சம்பவம் செய்தார். ஸ்மால் பிக்பாஸ் வீட்டில் இருந்தவர்கள் நடத்திய ஸ்டிரைக் பற்றி கமல் வறுத்தெடுத்து விட்டார். மேலும் மாயாவை ஆடியன்ஸ் உடன் சேர்ந்து கலாய்த்தது ரசிக்கும் அளவிற்கு இருந்தது. அதே நேரத்தில் வீட்டின் நிறைகள் மற்றும் குறைகளை தெள்ளத் தெளிவாக அலசி விட்டிருந்தார் ஆண்டவர்.

இன்று மூன்றாவது வாரத்திற்கான நாமினேஷன் பிராசஸ் நடைபெற்றது. அதற்கு முன்பே காலையிலிருந்து மாயா மற்றும் பூர்ணிமா இருவரும் இணைந்து இவர்கள் யாரை நாமினேஷன் செய்ய வேண்டும், இவர்களை யார் நாமினேஷன் செய்வார்கள் என பேசிக்கொண்டிருந்தார்கள். நாமினேஷன் பற்றி ஒருவருக்கொருவர் டிஸ்கஸ் செய்யக்கூடாது என்பது பிக் பாஸ் ரூலில் இருக்கிறது. இவர்கள் இருவரும் இப்போது அதையும் மீறி இருக்கிறார்கள்.

இந்த வார நாமினேஷன் லிஸ்டில் மாயா, மணி, பூர்ணிமா, பிரதீப், விசித்ரா, ஐஷு ஆகியோர் இருக்கிறார்கள். இதில் கண்டிப்பாக பிரதீப் முதலிலேயே சேவ் ஆகிவிடுவார் என்பதில் எந்த சந்தேகமும் இல்லை. வயதானவர்களைத்தான் முதலில் எலிமினேட் செய்வார்கள் என்று இருந்த பிக் பாஸ் இலக்கணத்தையே விசித்ரா மாற்றி இருக்கிறார். கண்டிப்பாக விசித்திரா வெளியில் போக வாய்ப்பே இல்லை.

மாயா மற்றும் பூர்ணிமா சேவ் ஆகி, மணி மற்றும் ஐஷு இருவருக்குள் ஒருவர் வெளியேறுவது என்பது கனவிலும் நடக்காத விஷயம். இப்போது மோஸ்ட் வாண்டட் லிஸ்டில் இருப்பவர்கள் என்றால் அது மாயா மற்றும் பூர்ணிமா தான். மாயா ஏற்கனவே கர்ணம் தப்பினால் மரணம் என்றுதான் இந்த வாரம் வீட்டிற்குள் இருக்கிறார். எனவே கண்டிப்பாக மாயா தான் இந்த வாரம் வெளியேற வாய்ப்புகள் அதிகம்.

Bigg Boss Season 7 Promo: விஜய் டிவியில் துவங்கப்பட்ட பிக் பாஸ் சீசன் 7 நிகழ்ச்சி ஒரு வாரத்தை மட்டுமே கடந்திருக்கும் நிலையில், 2-வது வாரத்தில் அனல் பறக்கும் காரசாரமான விவாதம் நடைபெற்று நிகழ்ச்சியை சூடு பிடிக்க வைத்திருக்கிறது. அதிலும் கோல்டன் ஸ்டாரை பெறவேண்டும் என போட்டியாளர்கள் தங்களை ஒரு நல்ல என்டர்டைனர் என்பதை பேசி நிரூபிக்க வேண்டும்.

இந்த டாஸ்கின் போதுதான் நிக்சன் மற்றும் பிரதீப் இருவருக்கும் கடும் வாக்குவாதம் ஏற்பட்டிருக்கிறது. பொதுவாக போட்டியாளர்களின் மத்தியில் சைக்கோ போல் நடந்து கொள்கிறார் என விமர்சிக்கப்படும் பிரதீப், சும்மா இல்லாமல் நிக்சன் தன்னை ஒரு என்டர்டைனர் என நிரூபித்துக் கொண்டிருக்கும் போது ஆடிக்காட்டு, பாடி காட்டுன்னு கிண்டலடித்திருக்கிறார்.

உனக்கெல்லாம் பேச தகுதியே இல்ல மூடிட்டு உட்காரு என்று நிக்சனைப் பார்த்து பிரதீப் சொன்னார். அதைக் கேட்டதும் வெறியேறிய நிக்சன், ‘என்ன பாத்து தகுதி இல்லைன்னு சொல்ல உனக்கு கொஞ்சம் கூட தகுதி இல்ல. பாட்டு பாடி உழைத்து இங்கு வந்திருக்கிறேன், ஆனா நீ இந்த நிகழ்ச்சியை வெளியில் நன்றாக பார்த்து தெரிந்து கொண்டு ஒரு ஸ்டேடர்ஜியுடன் கேவலமாக ஒரு கேம் ஆடிட்டு இருக்கிற, அப்படி கேவலமாக ஆட வேண்டிய அவசியம் எனக்கு இல்ல.

என்ன பாத்து பாடி காட்டு, ஆடி காட்டு என எல்லாம் சொல்லாத. உனக்கு அதெல்லாம் வரலைனா மூடிட்டு உட்காரு’ என்று பிரதீப்புக்கு பதிலடி கொடுத்தார். இவர்களது சண்டையால் பிக் பாஸ் வீடே ரணகளமானது, மற்ற போட்டியாளர்கள் எல்லாம் கப்பு சுப்புன்னு அப்படியே சிலை போல திகைத்து நிற்கின்றனர்.

நாளுக்கு நாள் பிக் பாஸ் நிகழ்ச்சி சூடு பிடிக்கிறது. அதிலும் இப்போது நிக்சன் மற்றும் பிரதீப் இருவரும் காரசாரமாக சண்டை போடுவது நிகழ்ச்சியை மேலும் சூடேற்றி விட்டது. அது மட்டுமல்ல இந்த சீசனில் நிதானத்துடன் விளையாடும் நிக்சன் நிச்சயம் பைனல்ஸ் வரை சென்று டைட்டிலை வெல்ல வாய்ப்பு இருக்கிறது.

இன்றைய பிக் பாஸ் ப்ரோமோ இதோ!